Fyrsta skrefið í Halloween

Joel, Nora (barnabarnið) og ég
nýbúin að skera öll graskerin

Afreksturinn, ég gerði draugana og andlitið

Eitthvað smá sem er að frétta af mér... skólinn gengur mjög vel og gaman þar eins og venjulega. Eitt skemmtilegt sem ég hef gleymt að nefna, að á hverjum degi í fyrsta tíma er farið með The Pledge of Allegiance, sem er ákveðin vísa um bandaríkin. Krakkarnir og kennararnir standa upp, með hendi á brjóst og horfa á fánann. Kona í kallkerfinu sem fer með þessa vísu. Þetta á hverjum degi, finnst þetta allt smá ýkt, een  ég er í bandaríkjunum og þau eru svo sannarlega stolt þjóð! Hann hljómar svona:

"I pledge allegiance to the Flag of the Inited States of America,

and to the Republic for which it stands, one Nation under God,

indivisible, with liberty and justice for all."

 Síðasta föstudag var fótboltaleikur eins og vanalega.  Strákarnir komust í undanúrslit. Því miður töpuðu þeir leiknum og þá erum við út úr keppninni. Ekki meiri fótbolti hjá þeim strákunum. Ég og Mary ætlum svo bráðum að fara á Badgers leik sem er college football hérna í Wisconsin, mikil stemming á þeim leikjum og ég hlakka mjög til. Ætti að verða eitthvað. Eftir fótboltaleikinn kíktum við fjórar stelpur á Haunted house, eða svona draugahús. Það var mjög vel upp sett og já ég var hrædd!! Lifandi carectarar sem eltu mann og svona creepy.

Olivia, Rachel og ég fyrir utan The Haunted House

Núna svo þegar blak-tímabilið er búið er ég búin að vera voða dugleg í ræktinni, og svo tekur körfuboltatímabilið við eftir sirka tvær vikur! Já nóg að gera, vonandi verður körfuboltinn ágætur, hlakka til.

Mjög léleg mynd en smá af tónleikunum

Á mánudag fór ég í bío á Taken 2. Bíóið svaka stórt og auðvitað poppið huges! Fannst mjög gaman að upplifa svona öðruvísi bíóstemmingu.  Svo í gær, þriðjudag, voru fyrstu tónleikarnir mínir. Eins og áður hefur komið fram er ég í choir, sem eru tímar í skólanum. Erum að syngja saman, kór eiginlega. Þetta voru bara litlir tónleikar, næstu tónleikar munum við dansa við lögin líka og vera í búningum og svona spennandi. Þannig þessir tónleikar voru bara litlir og góð upphitun. Fyrsta skiptið mitt upp á sviði að syngja, fannst það bara mjög gaman. Svo er enn stærri sýning, leiksýning líka, í Febrúar og þá er möguleiki á að syngja einsöng ef maður vill. Kanski maður splæsir á eitt íslenskt lag hver veit.

Núna er ég bara heima, nýkomin úr rækt, tók 6,5km, er að reyna að bæta þolið fyrir körfuna. Svo eru þurrkaðir bananar, eða banana chips, random ég veit, er orðið upphálads millimálið mitt, og er í smá tilraunastarfsemi að búa það til hérna heima, eigum svona þurrkuvél eða hvað sem það heitir. Kosy kvöld framundan. Svo er skóli á morgun, en aðeins hálfann daginn og frí á föstudag! Gaman gaman, ekkert mikið planað en það verður alltaf eitthvað.

Þetta svona smá skrefin í hvernig maður gerir bananana,
hlakka til að sjá hvernig þetta kemur út :)

Svo er Halloween að ganga í garð, Halloween party á laugadag og öll hús og skólastofur og allt eru skreytt í bak og fyrir. Gaman að sjá stemminguna fyrir þessu. Planið á morgun að skera út grasker með Catie systur, ætti að verða spennandi, hef aldrei gert það áður. 

Bæj í bili Ísland

Homecoming Week!

Nú er Homecoming vika liðin! Homecoming er eitthvað svona ekta sem amerískir skólar gera. Þetta er svipað og árshátíðarvika í grunnskólum ef ég á að bera þetta saman við eitthvað. Fyrir hvert Homecomming er ákveðið þema. Þemað fyrir þetta ár var Farytale. Hver árgangur ákveður svo sitt Farytale þema. Þessi vika var æðisleg og hérna kemur smá frásögn fyrir áhugasama!

Á mánudeginum var þemað fyrir daginn SuperHeroDay. Eins og alltaf eru það sumir sem taka þetta alla leið og sumir sem gera bara alls ekkert. Ég var þarna mitt á milli. Homecoming vika snýst svo um að fá stig. Freshments, sophtmores, juniors og seniors eru í keppni. Þannig maður fékk stig fyrir að klæða sig upp fyrir hvert þema. Skóladagurinn var samt bara frekar venjulegur, en kennararnir leyfðu samt smá tjill og svona gaman.  Eftir skóla var blakleikur. Þetta var sérstakur blakleikur kallaður Pink-Out. Vorum að safna pening fyrir brjóstkrabbamein og voru alls konar vinningar og svona í boði og margir margir að horfa á.

Super Hero Day

Ugly Sweater

Þemað fyrir þriðjudag var UglySweaterDay+UglyHatDay. Mörg stig í hús fyrir Senior þar sem margir mættu í ljótum peysum. Eftir skólann var blakæfing og svo voru svokallaðir Leikarnir. Þeir voru á fótboltavellinum og voru alls konar þrautir. Eating contest, pokahlaup, reipitog, kasta eggi á milli án þess að það detti og svo framvegis. Svo var endað á Powderpuff Football sem ég tók þátt í. Þetta er bara eins og amerískur fótbolti nema stelpuútgáfan og það má ekki tækla eða neitt þannig. Við unnum fótboltann sem var mjög gaman!

Powderpuff Football

Miðvikudagsþemað var bara að klæða sig fínt. Þá mættu flestir í sínu fínasta, margar stelpurnar í Prom kjólnum sínum og strákar í jakkafötum og svona. Skóladagurinn bara venjulegur nánast og svo blakæfing eftir skóla. Eftir æfingu fór ég með þremur stelpum á Pizza Hut að borða og svo vorum við saman allt kvoldið. Rúntuðum og horfðum svo á mynd og eitthvað kosyheit.

Skreyta ganginn

Fimmtudagsþemað var svo að hver árgangur klæðir sig í þemað sem það valdi. Við Senior völdum Peter Pan og áttu við þá að mæta í búningum sem tengist því. Hinir árgangarnir voru svo með Shrek, Alice in Wonderland og Mjallhvít og dvergarnir sjö. Eftir hádegi á þessum degi voru engir tímar og við fengum tíma til að skreyta ganginn okkar og gera svokallaðan Float sem verður svo notaður í semí skrúðgöngu daginn eftir. Við skreyttum ganginn okkar í þema Peter Pan og hinir skreyttu í sitt þema. Svo er dómnefnd sem velur flottasta ganginn og þá bætast stigin við ef gangurinn er flottur. Við vorum þarna að skreyta og hengja upp alveg til klukkan 5, því ég þurfti að fara því það var blakleikur. Þetta kvöld keppti ég með báðum liðunum, varsity og JV. Þetta var síðasti leikur JV og við unnum, loksins unnum við leik! Með varsity unnum við ekki en það var samt sem áður gaman að spila með þeim. Þetta kvöld var svo einnig Senior Night sem gengur út á það að Juniors segja eitthvað fallegt um Senior stelpurnar. Það var ein í einu sem talaði um eina manneksju allt voða væmið og sumar fóru að gráta. Einum of væmið fyrir mig haha en svo fengum við lítinn pakka frá þeim líka. Eftir leikinn þá opnuðum við pakkana og allar fengu eitthvað við þeirra hæfi. Ég fekk lítinn bandarískan fána, fullt af nammi og svo blakboolta áritaðann frá liðinu. Svo voru plaköt hengd upp fyrir hver. Þetta var mjög gaman þrátt fyrir hvað þetta var væmið á tímabili. Þegar ég kom heim beið mín pakki frá yndislegu fjölskyldu minni heima  með nammi og harðfisk. Jane og Joel fannst fiskurinn mjög góður þrátt fyrir alveg yfirdrifandi mikla lykt eins og flestir vita að er af harðfiski.

Plagatið sem ég fekk

Skreyta skreyta

Föstudagsþemað var Spirit. Litir skólans eru rauður og hvítur þannig maður átti bara að klæða sig í þeim litum. Ekki of erfitt þema. Eftir hádegi var einnig engir tímar og í íþróttasalnum smá dagskrá. Þar voru fleiri keppnir þar sem hægt var að næla sér í stig. Það var Dance-Off þar sem valið fólk átti að dansa í 1 mínótu við eitthvað random lag. Það var fyndið að sjá það, frekar vandræðanlegt fyrir suma. Svo kepptu strákarnir í blaki og við unnum það! Klappstýrur og hljómsveitin voru á staðnum og svona skemmtiheit. Eftir þetta var skrúðganga sem öllum float-unum sem við vorum búin að gera.  Ég var á svokölluðum Homecoming-court Float þar sem fólk sem var kosið til að vera kanski homecoming drottining og kóngur voru. Það er hefð að afs skiptineminn sé þar líka. Þannig við keyrðum um bæinn í smá tíma. Um kvöldið var svo fótboltaleikur eins og vanalega, mikil stemming og gaman. Við unnum leikinn og erum komin í úrslit. Eftir leikinn var pitsa-night og vorum við þar í góðum fíling þangað til ég fór heim.

Ballið

Laugadagurinn var svo dagurinn þegar Homecoming ballið var! Ég gerði mig til með nokkrum stelpum úr bekknum og við fórum svo út að borða á stað sem heitir Uno í Madison. Mjög góður matur og skemmtilegt að fara svona fínt út að borða öll saman. Eftir matinn beið okkar ballið. Ballið minnti mig helst á grunnskólaball, haldið í skólanum, sumir að dansa sumir ekki og svona. En  þrátt fyrir það var mjög gaman, ég náði að dansa, tók hælana fljótt af og dansaði á táslunum. Cody og Kasy voru valin Homecoming queen og king, ég átti því miður ekki séns á að vera valin. Eftir ballið fór ég aðeins heim til einna stelpu og við höfðum það bara kosy, töluðum um kvoldið og svona ekkert merkilegt.

Svo Sunnudagsmorgun náði ég að sofa út loksins. Svo eru líklegast mun fleiri myndir á facebook og svona. Er núna að blogga, á eftir að læra og svo planið að kíkja í rækt eftir það allt saman! Vonandi var eitthvað varið í þetta blogg. Sakna ykkar allra í tætlur vonandi er lífið líka gott á Íslandi!

Á ballinu

Dagurinn í dag er búinn að vera laaangur en samt sem áður mjög skemmtilegur. Í dag sá ég Barack Obama, forseta Bandaríkjanna. Núna eru kostningabaráttur í fullum gangi á milli Obama og Romney. Í gærkvöldi voru kappræður á milli þeirra tveggja og nú í dag var Obama í Madison og hélt ræðu. 10 senior krakkar gerðum okkur leið til Madison að sjá hann. Við fengum frí í skólanum til að fara. 

Klukkan sex að morgni til á bílastæðinu í Madison

Við þurftum að leggja af stað snemma, mjöög snemma. Við hittumst öll rúmlega 5 að morgni til og keyrðum til Madison. Um klukkan sex vorum við komin til Madison og tilbúin að fara í röðina. Við vorum fremst í röðinni, enda mætt voðalega snemma! En þegar við vorum búin að vera í röðinni í klukkutíma og röðin orðin nokkuð löng myndaðist ný röð annars staðar og fólk hljóp þangað... Við misstum okkar fremsta spot í röðinni, við vorum ekkert of ánægð með það en við vorum þó nokkuð framalega. Sagt var að þetta var gert til að gera truflun svo leynilöggur eða eitthvað svoleiðis gátu blandað sér inn í hópinn. Það var mjög mikil gæsla þarna, fullt af alls konar löggum og svona. Þegar við vorum komin í þá röð beið okkar 5klst bið í röð. Við höfðum það bara kósy, spiluðum og spjölluðum í sólinni. Mikið af hressu og skemmtilegu fólki í röðinni. 

Ég og Kourtney bíðandi 

Keypti svona flottar nælur, alveg inn í þessu haha

Þótt ótrúlegt virðist þá leið þetta voðalega hratt og ég skemmti mér vel. Þegar röðinni var loksins svo hleypt inn á svæðið þurftum við að fara í gegnum svona flugvallar öryggis tjékk. Inn á svæðinu var alveg troðið, maður sá svo leyniskyttur á þakinu á húsunum nálægt og öryggisfólk út um allt. Til að byrja með var einhver hljómsveit að spila og svo komu fullt af eitthvernskonar þingfólki að halda ræðu. Ræðurnar voru þó ótúlegt sé skemmtilegar. Og svo síðast en ekki síst kom Barack Obama. Ræðan hans var frábær, ef ég gæti kostið þá sannfærði hann mig allavega um að kjósa sig. Það var geggjað að sjá hann svona í alvöru, sérstaklega því ég var að horfa á hann í sjónvarpinu deginum áður. Allir voða spenntir og mikil stemming og allir með myndavélarnar uppi. 

Obama er þarna að halda ræðu

Þegar ræðan hans var svo búin vorum við öll orðin svakalega þreytt á því að standa í næstum 10 klst þarna í heild. Við fórum á matsölustað kallað Buffalo Wild Wings. Það toppaði alveg daginn. Núna þegar ég er komin heim er ég að skoða myndir og myndbönd sem ég tók og á svo eftir að læra fyrir tvö skyndipróf sem eru á morgun. Svo ætla ég að reyna að fara snemma að sofa eftir þennan langa dag!

Takk fyrir að lesa bloggið, svo eru verða fleiri myndir á facebook!

ps haustið er komið,
á götunum í Madison er allt út í laufblöðum
 í ýmsum litum voðalega flott!